Formación Bonificada
Formacións personalizadas adaptadas ás necesidades específicas, así como formacións abertas.
Formación para centros educativos
Formación a medida
Deseño e desenvolvemento de plans de formación, cursos, obradoiros, seminarios ou xornadas a medida, en función das necesidades concretas de cada centro.
CRECE HUB_
Xornadas formativas para equipos directivos. Un espazo exclusivo para líderes educativos que desexan reflexionar, compartir experiencias e conectar con outros directivos escolares. Estas xornadas abordan temas esenciais como xestión, marketing e liderado, convidándoos a reimaxinar o futuro do seu centro educativo.
Áreas de asesoramento en formación
Concreción curricular
Formacións vinculadas ó marco normativo curricular. Acompañamento no deseño e desenvolvemento dos diferentes niveis de concreción curricular e das programacións.
Metodoloxías específicas para infantil
Minimundos, pezas soltas, ambientes, espazos de aprendizaxe, instalacións de xogo, recunchos… metodoloxías propias da etapa que favorecen o desenvolvemento das capacidades do alumnado a través da manipulación e a experimentación.
Desenvolvemento de competencias emocionais: intrapersoais e interpersoais
Formacións orientadas tanto ao crecemento persoal do docente e do claustro como equipo, como ao desenvolvemento de proxectos de centro dirixidos ao alumnado que melloren o seu benestar emocional, afectivo e social.
Metodoloxías para favorecer aprendizaxes competenciais
Formacións para coñecer e aplicar estratexias metodolóxicas innovadoras que favorezan a aprendizaxe competencial do alumnado.
Metodoloxías específicas para educación básica (primaria e secundaria)
Caixas de aprendizaxe, clase inversa, traballo cooperativo e colaborativo, aprendizaxe baseada en proxectos, proxectos por inmersión temática, gamificación… todas elas orientadas a favorecer no alumnado a autonomía, a capacidade investigadora e de cooperación, así como o desenvolvemento de habilidades que o convertan en centro e xestor da súa aprendizaxe.
Avaliación
Formacións que fomentan o desenvolvemento e a implantación nos centros de sistemas, estratexias e ferramentas de avaliación competenciais, formativas e formadoras, que favorezan tanto a mellora da aprendizaxe como o desenvolvemento da conciencia sobre esta por parte do alumnado (metacognición), así como a mellora e axuste da proposta pedagóxica docente.
¿Queres que falemos?
Tes algunha dúbida? Ponte en contacto connosco e resolverémolo xuntos.